صدر فیڈریشن آف پاکستان چیمبر آف کامرس اینڈ انڈسٹری عاطف اکرام شیخ نے کہا کہ مقبوضہ جموں و کشمیر کے بہادر لوگ بین الاقوامی توجہ کے طلب گار ہیں۔

صدر فیڈریشن آف پاکستان چیمبر آف کامرس اینڈ انڈسٹری عاطف اکرام شیخ نے کشمیریوں کے 77ویں یوم سیاہ پر پیغام دیتے ہوئے کہا کہ  27 اکتوبر کو ہندوستان نے اپنی مسلح افواج بین الاقوامی قانون کی صریح خلاف ورزی کرتے ہوئے مقبوضہ جموں وکشمیر میں  اتاریں۔

انہوں نے کہا کہ اقوام متحدہ کی بیشتر رپورٹس میں مقبوضہ جموں و کشمیر میں بنیادی انسانی حقوق کی خلاف ورزیوں کی تصدیق کی گئی ہے۔

عاطف اکرام نے مزید یہ بھی کہا کہ کشمیریوں پر مسلسل ڈھائے جانے والے مظالم اور کشمیر میں نوجوانوں کی ہلاکتوں کے خلاف فوری طور پر ایکشن لینے کی ضرورت ہے، جب تک  اقوام متحدہ کی سکیورٹی کونسل کی قراردادوں کے تحت کشمیریوں کو حق خود ارادیت کا جائز حق نہیں مل جاتا اس وقت تک پاکستان ان کی اخلاقی، سیاسی اور سفارتی مدد جاری رکھے گا۔