مسلم لیگ ن کے سینیٹر عرفان صدیقی نے کہا کہ آئینی مسودہ تیار ہے، کابینہ نے منظور کرنا ہے۔

 مسلم لیگ ن کے سینیٹرعرفان صدیقی نے صحافیوں سے گفتگو کرتے ہوئے کہا کہ کل کابینہ کا اجلاس تھوڑی دیر کے لیے ہوا، آئینی مسودہ کابینہ سے منظور ہو جائے تو سینیٹ میں آجائے گا۔

 عرفان صدیقی نے کہا کہ وسیع تر اتفاق رائے کی کوششیں ہورہی ہیں، تیرہویں ترمیم کے بعد روایت رہی کہ آئینی ترمیم تمام سیاسی جماعتوں کی اتفاق رائے سے ہو، میرا خیال ہے کہ اتفاق رائے کی آخری کوششیں ہورہی ہیں۔

انہوں نے مزید یہ بھی کہا کہ تھوڑی دیر تک تمام صورتحال واضح ہو جائے گی، مولانا فضل الرحمان کے اتفاقِ رائے سے اوریجنل مسودے میں ترمیم کی گئی ہے، پی ٹی آئی کے بارے میں نہ صرف ہم بلکہ پی ٹی آئی خود بھی کوئی پیشن گوئی نہیں کرسکتی۔