سپریم کورٹ بار ایسوسی ایشن کے سالانہ انتخابات کے لیے پولنگ کا آغاز ہوگیا ہے۔

سپریم کورٹ کے چار ہزار 21 وکلاء نئے صدر، سیکرٹری اور دیگر عہدے داران کا انتخاب کریں گے، جبکہ سپریم کورٹ بار انتخابات کے لیے عاصمہ جہانگیر اور حامد خان کے گروپ میں مقابلہ ہوگا۔

عاصمہ جہانگیر گروپ کے سیکرٹری کے لیے ملک زاہد اسلم اعوان، جبکہ فاننس سیکرٹری کے لیے چوہدی تنویر اختر امیدوار ہیں، جبکہ دوسری جانب حامد خان گروپ کے منیر احمد کاکڑ صدر کے امیدوار ہیں۔

حامد خان گروپ میں سیکرٹری کے لیے سلمان صدیقی جبکہ فنانس سیکریٹری کے لیے میر اورنگ زیب امیدوار ہیں۔

صدرِ کے عہدے کےلئے میاں رؤف عطاء  اور منیر احمد کاکڑ کےدرمیان کانٹے کا مقابلہ جاری ہے صدارتی امیدوار میاں روف عطاء کو فرینڈز گروپ اور عاصمہ جہانگیر گروپ کی حمایت حاصل ہے جبکہ منیر احمد کاکڑ کو پروفیشنل گروپ کی مکمل حمایت حاصل ہے۔

صدر سمیت 18 نشستوں پر34 امیدوار میدان میں ہیں ملک بھر میں چار ہزار اکیس رجسٹرڈ ووٹرز اپنا حق رائے دہی استعمال کررہے ہیں۔

انتخابی عمل شام پانچ بجے تک جاری رہے گا۔