اسلام آباد: وفاقی کابینہ نے نیشنل سائبر کرائم انوسٹی گیشن ایجنسی رولز کی منظوری دے دی ہے۔

سوشل میڈیا پر پروپیگنڈا، ہراسانی اور افواہیں پھیلانے کرنے والوں کے گرد گھیرا تنگ کردیا گیا ہے، سائبر کرائم کے خلاف سخت کارورائی اور ڈیجیٹل رائٹس کا تحفظ کا آغاز ہوگیا۔

ریاستی اداروں اور سرکاری شخصیات کے خلاف پروپیگنڈا پر بھی سخت کارروائی ہوگی، سائبر کرائمز میں ملوث افراد کو 5 تا 15 سال تک سزا اور بھاری جرمانہ عائد ہوسکے گا۔

11 ماہ بعد بالآخر نیشنل این سی سی آئی اے پورے اختیارات کے ساتھ فعال ہوگئی ہے، این سی سی آئی اے سائبر کرائمز کے خلاف کارروائی کیلئے عالمی اداروں سے رابطے کی مجاز ہوگی۔

یاد رہے کہ نگراں حکومت نے دسمبر 2023 میں این سی سی آئی اے قائم کرنےکی منظوری دی تھی، ایف آئی اے کے سائبر کرائم ونگ ختم ہو جائیں گے اور متعلقہ افسران ایک سال تک اتھارٹی میں خدمات دیں گے۔