اسلام آباد: متحدہ قومی موومنٹ (ایم کیو ایم) کے رہنما ڈاکٹر فاروق ستار نے کہا ہے کہ آئینی ترمیم سے متعلق اتفاق رائے کے قریب پہنچ گئے ہیں۔

رہنما اہم کیو ایم ڈاکٹر فاروق ستار نے پارلیمنٹ ہاؤس میں میڈیا سے گفتگو کرتے ہوئے کہا کہ امید پر دنیا قائم ہے، اللہ بہتر کرے گا۔

انہوں نے کہا کہ سیاسی عمل کے فروغ اور پارلیمنٹ کی بالادستی کے لیے اگر یہ عدالتی اصلاحات کا ایجنڈا ہے تو ضرور کامیابی ملنی چاہیے۔

فاروق ستار نے کہا کہ اس وقت ملک پیچیدہ صورتحال سے گزر رہا ہے، ایم کیو ایم نے بھی عدالتی اصلاحات سے متعلق آنے والے اس بل پر اپنا مثبت کردار ادا کرنے کا فیصلہ کیا ہے۔

ایم کیو ایم کے رہنما نے مزید کہا کہ لوگوں کی آنکھوں میں دھول نہیں جھونک سکتے، آئینی ترمیم سے متعلق اتفاق رائے کے قریب پہنچ گئے ہیں۔