رواں مالی سال کے پہلے تین ماہ میں موبائل فون کی درآمدات میں کمی ہوئی ہے۔

ادارہ شماریات کے مطابق جولائی تا ستمبر موبائل فون کی درآمدات میں 22.86 فیصد کی کمی ہوئی، جبکہ رواں مالی سال کی پہلی سہ ماہی میں 68 ارب روپے سے زیادہ کے موبائل درآمد کیے گئے۔

 ادارہ شماریات نے بتایا کہ گزشتہ مالی سال اسی عرصے میں 88 ارب 94 کروڑ روپے سے زیادہ کے موبائل فون درآمد کئے، جبکہ ماہ ستمبر میں ماہ اگست کے مقابلے میں موبائل فون درآمد میں اضافہ ہوا۔

 ادارہ شماریات کے مطابق ماہ ستمبر موبائل فون کی کل درآمد 28 ارب 55 کروڑ روپے سے زیادہ رہیں، ماہ اگست میں 22 ارب 10 کروڑ روپے کے موبائل فون درآمد کئے گئے، جبکہ گزشتہ مالی سال ستمبر میں 37 ارب روپے سے زیادہ کے موبائل فون درآمد کئے گئے تھے۔