پیپلز پارٹی کی سینیٹر شیری رحمان نے کہا ہے کہ ڈونلڈ ٹرمپ یا کملا ہیرس میں سےکوئی بھی آئے وہ اسرائیل کو ترجیح دے گا۔

سینیٹر شیری رحمان نے بول نیوز سے گفتگو کرتے ہوئے کہا کہ دونوں امیدواروں کی پالیسیوں میں فرق ہوگا، ٹرمپ نے انتخابی مہم میں کہا امریکہ کو ترجیح دوں گا، ٹرمپ یا کملا ہیرس میں سےکوئی بھی آئے وہ اسرائیل کو ترجیح دے گا۔

انہوں نے کہا کہ پاکستان کو یہ دیکھنا ہے کہ ہماری ایکسپورٹ پر اثر نہ پڑے، میرے خیال میں افغانستان کے حوالے سے ٹرمپ زیادہ دہشت گردی کی بات کریں۔

پیپلز پارٹی کی سینیٹر کا کہنا تھا کہ امریکی انخلا سے پاکستان بہت متاثر ہوا ہے، پاکستان کو امریکی سے اپنی سفارتی حدود قائم رکھنی ہیں۔

شیری رحمان نے مزید کہا کہ پاکستان کو جس طرح یورپ میں جی ایس ٹی ملاہے وہ امریکہ میں نہیں، انتخابات کے پاکستان امریکہ کے ساتھ تعلقات پر کوئی اثر نہیں پڑے گا۔