سابق وفاقی وزیر اور سینیٹر فیصل واوڈا نے کہا کہ جن کی رہائی ہوئی ان کی گرفتاری بھی ہوسکتی ہے، پھرگلہ نہ کرنا۔

سابق وفاقی وزیر اور سینیٹر فیصل واڈا نے سماجی رابطے کی ویب سائٹ ایکس پر بیان جاری کرتے ہوئے کہا کہ بی بی کے خطرناک بیان کے بعد جیسا میں نے کہا تھا کہ خان صاحب کی سیاسی قبر اپنے ہی کھودیں گے بالکل ویسا ہی ہوا۔

فیصل واوڈا نے کہا کہ ہائیکورٹ کے منع کرنے کے حکم کے باوجود اگر کوئی 24 نومبر کو اسلام آباد آتا ہے تو توہین عدالت کے تحت ایم این اے ایم پی اے کی سیٹ ہی نہیں کھونی پڑے گی بلکہ حکومت دھوبی گھاٹ کی طرح دھونے کیلئے تیار کھڑی ہے۔

ان کا یہ بھی کہنا تھا کہ ہاوس اریسٹ، اریسٹ یا پھر مچھ جیل والی بات نہ بھولیے گا، جن کی رہائی ہوئی ان کی گرفتاری بھی ہو سکتی ہے۔