پاکستان میں 58 فیصد غیر قانونی سگریٹ کی فروخت کا انکشاف ہوا ہے۔

 انسٹیٹیوٹ آف پبلک اوپینین ریسرچ کی تحقیق سامنے آگئی۔

رپورٹ کے مطابق 264 فروخت ہونے والے برانڈز میں سے 19 برانڈز پر ٹریک اینڈ ٹریس مہر لگی ہے جبکہ 245 سگریٹ برانڈز پر ٹریک اینڈ ٹریس سٹمپ نہیں ہے۔

رپورٹ میں بتایا گیا کہ غیر قانونی مقامی طور پر تیار ہونے والے سگریٹ کا شیئر 65 فیصد ہے جبکہ غیر قانونی طور پر اسمگل سگریٹ کا شیئر 35 فیصد ہے۔

رپورٹ میں کہا گیا کہ پاکستان میں ایک سگریٹ کا پیکٹ کم از کم 80 روپے میں فروخت ہورہا ہے جبکہ 197 سگریٹ برانڈز سگریٹ کم از کم قیمت سے نیچے فروخت ہورہے ہیں۔

رپورٹ کے مطابق 166 اسمگل سگریٹ کے برانڈز مارکیٹ میں فروخت ہورہے ہیں۔