کراچی: 4 روزہ عالمی دفاعی نمائش آئیڈیاز 2024 کے پہلے روز ڈی جی رینجرز سندھ میجر جنرل محمد شمریز نے مختلف اسٹالز کا دورہ کیا ہے۔

ڈی جی رینجرز نے جدید اسلحہ، ڈرونز اور دیگر دفاعی سامان کا معائنہ کیا، مختلف اسٹالز پر موجود اسٹاف نے ڈی جی رینجرز سندھ کو بریفنگ بھی دی۔

اس موقع پر ڈی جی رینجرز سندھ نے بکتر بند گاڑیوں سمیت دیگر اسٹالز کا بھی دورہ کیا۔

واضح رہے کہ کراچی میں بین الاقوامی دفاعی نمائش آئیڈیاز 2024 کا آغاز ہوگیا ہے، بین الاقوامی تجارتی اور فوجی وفود نمائش میں شریک ہیں۔

نمائش کا مقصد غیر ملکی وفود، حکومتی عہدیداروں اور نمائش کنندگان کے درمیان مؤثر نیٹ ورکنگ فراہم کرنا ہے، آئیڈیاز کی ٹیم جدید سہولتوں اور سافٹ ویئر کے ذریعے نیٹ ورکنگ کو مؤثر طریقے سے ہم آہنگ کرتی ہے۔