پاکستان پیپلزپارٹی کے چیئرمین بلاول بھٹو زرداری حکومت کی جانب سے جوڈیشل کمیٹی میں مساوی نمائندگی کے وعدے کو پورا نہ کرنے پر احتجاجاً گزشتہ ہفتے جوڈیشل کمیشن سے اپنا نام واپس لے لیا ہے۔

ذرائع کے مطابق پیپلز پارٹی اور حکومت میں جوڈیشل کمیٹی میں مساوی نمائندگی پر انڈر اسٹینڈنگ ہوئی تھی، جبکہ کمیٹی کے قیام کے وقت حکومت نے اپنے تین نام ڈال دیئے۔

ذرائع نے بتایا کہ پیپلز پارٹی کی جانب سے بھیجے گئے دو میں صرف ایک بلاول بھٹو زرداری کا نام شامل کیا گیا، جبکہ حکومت نے وزیر قانون اور اٹارنی جنرل کے ساتھ تیسرا نام سینٹر عرفان صدیقی کا بھی کمیٹی میں شامل کر دیا۔

ذرائع کے مطابق پیپلز پارٹی نے بلاول بھٹو زرداری اور فاروق ایچ نائیک کے نام دیئے تھے، حکومت کی جانب سے معاہدے سے انحراف پر بلاول بھٹو زرداری نے احتجا جوڈیشل کمیٹی سے اپنا نام واپس لے لیا۔