سول ایوی ایشن اتھارٹی (سی اے اے) نے کہا ہے کہ پاکستان کے تمام ائرپورٹس پر قومی اور بین الاقوامی پروازیں معمول کے مطابق جاری ہیں۔

سول ایوی ایشن اتھارٹی کے مطابق اسلام آباد ایئرپورٹ پر بھی تمام پروازوں کی آمدورفت معمول معمول کے مطابق جاری ہے۔

سی اے اے کا کہنا ہے کہ بین الاقوامی پروازوں کے مسافروں کو اسلام آباد ایئرپورٹ پر روکے جانے سے متعلق افواہیں سراسر جھوٹی اور بے بنیاد ہیں۔

سول ایوی ایشن اتھارٹی نے اپنے بیان میں عوام سے اپیل کی ہے کہ افواہوں پر کان نہ دھریں اور کسی خبر کیلئے سول ایوی ایشن اتھارٹی کے مصدقہ پلیٹ فارم سے رجوع کریں۔

دوسری جانب ذرائع نے بتایا ہے کہ فیک نیوز پھیلانے والے اکاؤنٹس کے خلاف قانونی کارروائی کا آغاز کر دیا گیا ہے۔