رہنما مسلم لیگ ن سینیٹر طلال چوہدری نے کہا کہ پی ٹی آئی کی باگ ڈور چند غیر سیاسی لوگوں کے ہاتھ میں ہے۔

رہنما مسلم لیگ ن سینیٹر طلال چوہدری نے نیوز کانفرنس کرتے ہوئے کہا کہ آپ آئی ایم ایف کو خط لکھتے ہیں تاکہ غریب کا چولہانہ جلے، سعودی عرب پرالزام لگاتے ہیں تاکہ 35 لاکھ پاکستانی مشکلات کاشکار ہوں۔

طلال چوہدری نے کہا کہ یہ کھیل جان بوجھ کر بانی پی ٹی آئی کی مشاورت کے بعد کھیلا جاتا ہے، آپ اپنی رہائی کیلئے ہر چیز کو تہہ وبالا کرنا چاہتےہیں؟

انہوں نے کہا کہ کبھی آپ کہتے ہیں اس ملک میں لاک ڈاؤن کردوں گا، آگ لگادوں گا، آپ کے رہنما کہتےہیں ملک میں ایٹم بم گر جائے بانی پی ٹی آئی باہر چاہئیں، آپ کا بیانیہ غریب کاچولہا بند کرنےکیلئے ہے۔

طلال چوہدری نے یہ بھی کہا کہ سعودی عرب ہر مشکل وقت میں پاکستان کیساتھ کھڑا ہوتا ہے، جان بوجھ کر پی ٹی آئی نے سعودی عرب کو نشانہ بنایا، پی ٹی آئی رہنما مروت نے بانی سے ملاقات کے بعد بیان دیا ہے۔

ان کا یہ بھی کہنا تھا کہ اب وہ جس کا پارٹی، ملک پر قبضہ کرنےکا خواب ہے اس نے بیان دیا ہے، ان ممالک کوٹارگٹ کرتے ہیں جو پاکستان کے دوست ہیں، یہ وہی کام کیوں کرتے ہیں جو پاکستان اور اس کی عوام کے خلاف ہو۔

طلال چوہدری  نے کہا کہ جھوٹا بیانیہ بنانا آپ کی عادت ہے، پی ٹی آئی کا نشانہ پاکستان کے دوست ممالک ہیں، چین جو پاکستان کا دوست ہے پی ٹی آئی نے اس کونشانہ بنایا۔

انہوں نے مزید یہ بھی کہا کہ پی ٹی آئی دور میں بشریٰ پنکی کی حکومت تھی، بشریٰ بی بی نے شوہر کے عہدے کا ناجائز استعمال کیا، خاتون نے شادی اس لیے رچائی کہ یہ پارٹی پر قبضہ کرناچاہتے ہیں۔