اسلام آباد: صدر مملکت آصف علی زرداری اور وزیراعظم شہباز شریف کے درمیان ملاقات ہوئی ہے۔

صدر مملکت آصف زرداری اور وزیراعظم شہبازشریف کی ملاقات ہوئی جس دوران ملکی امور اور سیاسی صورت حال پر تبادلہ خیال کیا گیا۔

نائب وزیراعظم اسحاق ڈار اور وزیر داخلہ محسن نقوی نے بھی ملاقات میں شرکت کی جب کہ گورنر فیصل کریم کنڈی، راجہ پرویز اشرف اور سید نوید قمر بھی ملاقات میں موجود تھے۔

وزیراعظم نے صدر آصف زرداری کی صحت کے لئے نیک خواہشات کا اظہار کیا جب کہ ملاقات میں ملکی مجموعی سیاسی، معاشی اور سیکیورٹی صورتحال پر بھی گفتگو کی گئی۔

صدر مملکت اور وزیراعظم نے ملکی ترقی کے لئے مل کر آگے بڑھنے کےعزم کا اعادہ کیا، صدر اور وزیراعظم کی پارلیمنٹ میں قانون سازی کے امور پر بھی بات چیت ہوئی۔

ملاقات میں قانونی امور پر تمام اسٹیک ہولڈرز کی مشاورت سے آگے بڑھنے کا فیصلہ کیا گیا جب کہ صدر نے وزیراعظم کو ملکی ترقی و استحکام کے لئے تعاون کی یقین دہانی کروائی۔