چیف میٹرولوجسٹ سردارسرفراز نے کہا کہ کراچی میں سرد ہوائیں تھوڑی تاخیر سے آئی ہیں، اور کلائمیٹ چینج کی وجہ سے درجہ حرارت بڑھتا جارہا ہے۔

چیف میٹرولوجسٹ سردارسرفراز نے دنیا بول سے گفتگو کرتے ہوئے کہا کہ دسمبرکے مہینے میں کراچی میں درجہ حرارت 16 ڈگری سینٹی گریڈ تک آگیا ہے، آئندہ دنوں میں 12 سے 14 ڈگری سینٹی گریڈ تک جانےکا امکان ہے۔

سردارسرفراز نے کہا کہ کراچی میں اگلے ہفتے درجہ حرارت کم ہوکر 10 سے 12 سینٹی گریڈ تک جانے جبکہ آئندہ  2 سے 3 دن میں بلوچستان میں زیادہ سردی پڑنےکاامکان ہے۔

انہوں نے کہا کہ ہرآنے والاسال گزشتہ سال کے نسبتا گرام ہی گزرتا ہے، جبکہ عام طور پر دیکھا جارہا ہےکہ سردی کا دورانیہ کم اور شدت میں بھی کمی آرہی ہے، آئندہ دو ہفتے تک بارش کا کوئی امکان نہیں ہے۔

چیف میٹرولوجسٹ نے کہا کہ سردی کے سیزن میں فوگ تو ہوتی ہے، دیکھاجائے تو فوگ کی شدت میں کمی آگئی ہے۔سردارسرفراز نے مزید یہ بھی کہا کہ لاہور و گردنواح کا علاقہ ہواؤں سے متاثر ہوتا تھا، اب ہواؤں کارخ بھارت کی جانب ہوگیا ہے، ہواؤں کا رخ بھار ت کی جانب ہونے سے اسموگ میں کمی آئی ہے۔

کراچی موسم   

شہر قائد میں دھند چھائی ہوئی ہے، حد نگاہ 5 کلو میٹر تک محدود  ہوگئی ہے۔

محکمہ موسمیات کے مطابق کراچی کا موسم آج سرد اور خشک رہے گا، آج رات کم سے کم درجہ حرارت 16.5 ڈگری سینٹی گریڈ ریکارڈ کیا گیا، جبکہ ہوا میں نمی کا تناسب 65 فیصد ہے۔

کراچی میں آج دن میں درجہ حرارت 30 ڈگری سینٹی گریڈ تک رہنے کا امکان، جبکہ شہر میں 4 کلو میٹر فی گھنٹہ کی رفتار سے  شمال مشرقی ہوا چل رہی ہے۔

محکمہ موسمیات کا کہنا ہے کہ آج مطلع صاف رہے گا تاہم بارش کا کوئی امکان نہیں ہے۔