کراچی: پی پی قیادت پر حکومت کی حمایت ترک کرنے کے لئے دباؤ بڑھنے لگا۔

ذرائع کے مطابق پیپلزپارٹی کے متعدد سینئر رہنما حکومتی حمایت کے شدید مخالف ہیں جب کہ رہنماؤں نے پنجاب اور خیبرپختونخوا میں سخت مؤقف اپنانے کا مشورہ دیا ہے۔

پی پی رہنماؤں کا کہنا ہے کہ اگر حکومت لفٹ نہیں کرا رہی تو حمایت سے دستبردار ہوجائیں جب کہ رہنماؤں نے یہ بھی مشورہ دیا ہے کہ حکومت کے خلاف جارحانہ رویہ اپنایا جائے۔

ذرائع نے بتایا کہ بلاول بھٹو نے پارٹی رہنماؤں کو معاملات پر بات چیت کی یقین دہانی کروائی ہے، بلاول بھٹو سے پنجاب اور خیبرپختونخوا کی پارٹی تنظیم ملاقاتیں کرچکی ہیں۔

پی پی ذرائع نے مزید بتایا کہ بلاول بھٹو نے رہنماؤں کو سی ای سی میں مسائل پر تفصیلی غور کی یقین دہانی کروائی ہے جب کہ بلاول بھٹو کے پیغام کے بعد اسحاق ڈار ملاقات کے لئے زرداری ہاؤس آئے۔