لاہور ہائیکورٹ نے شہر سے تجاوزات کے خاتمے کا حکم دے دیا۔

تفصیلات کے مطابق لاہور ہائیکورٹ  میں اسموگ تدارک کیس کی سماعت ہوئی ۔ایڈووکیٹ جنرل پنجاب خالد اسحاق عدالت  میں پیش ہوئے۔

عدالت نے  شہرسے تجاوزات کے خاتمے کا حکم  دیتے ہوئے کہا کہ   سماعت کے دوران کہا کہ  سڑکوں پر کسی صورت کاروبار کی اجازت نہیں دی جاسکتی،گاڑیوں کے پھنسنے سے ٹریفک جام ہوتا ہے اور اسموگ بڑھ جاتاہے۔  شہر میں مختلف جگہوں پر سرکاری اراضی پر بازار بنائے جانے چاہئیں۔

ایڈووکیٹ جنرل پنجاب  نے کہا کہ  الیکٹرک بسوں کے ڈپو کی تعمیر کے لئے درختوں کو منتقل کیا جانا ضروری ہے۔

عدالت نے شہر میں واٹر میٹرز کی تنصیب کے عدالتی فیصلے پر عمل درآمد کی رپورٹ بھی طلب کرلی۔

عدالت نے کہا کہ میٹرز تو واسا نے منگوالیے  تنصیب کب ہوگی آگاہ کیاجائے۔ میٹر لگنے سے ہی پانی کی بچت ممکن ہوگی۔

عدالت نے کیس کی سماعت آئندہ ہفتے تک ملتوی کرتے ہوئے عمل درآمد رپورٹس طلب کرلیں۔