اسلام آباد: مدارس رجسٹریشن بل کے معاملے پر جمعیت علماء اسلام (جے یو آئی) ف کے سربراہ مولانا فضل الرحمان کی آج وزیر اعظم  محمد شہباز شریف سے ملاقات شیڈول ہے۔

وزیراعظم شہباز شریف کا گزشتہ شام مولانا فضل الرحمان سے رابطہ ہوا جس میں دونوں نے آج ملاقات کرنے کا فیصلہ کیا۔

مولانا فضل الرحمان اور وزیراعظم شہبازشریف کے درمیان  ملاقات آج دوپہر تین بجے وزیراعظم ہاؤس میں ہوگی جس میں  فضل الرحمان اتحاد تنظیمات مدارس کا مؤقف وزیراعظم کے سامنے رکھیں گے۔

وزیراعظم کی جانب سے نئی تجاویز دی گئیں تو مولانا اتحاد تنظیمات مدارس سے مشاورت کے لئے رجوع کریں گے۔

واضح رہے کہ وزیراعظم کے رابطے کے بعد مولانا فضل الرحمان کا مفتی تقی عثمانی سے رابطہ ہوچکا ہے، انہوں نے مفتی تقی عثمانی سے ملاقات سے متعلق مشاورت کی ہے۔