اسلام آباد: چیئرپرسن پیس اینڈ کلچر آرگنائزیشن مشعال ملک نے کہا ہے کہ بھارت یاسین ملک کو پھانسی گھاٹ چڑھانا چاہتا ہے۔

مشعال ملک نے میڈیا سے گفتگو کرتے ہوئے کہا کہ مقبوضہ کشمیر میں بھارتی مظالم پرعالمی برادری خاموش ہے، مقبوضہ کشمیرمیں بدترین مظالم ڈھائے جارہے ہیں۔

انہوں نے کہا کہ اسرائیل نے غزہ میں مظالم کی انتہا کردی، دنیا فلسطینی عوام کی نسل کشی رکوائے۔

چیئرپرسن کا کہنا تھا کہ بھارت نے یاسین ملک کو ڈیتھ سیل میں رکھا ہوا ہے، بھارت یاسین ملک کو پھانسی گھاٹ چڑھانا چاہتا ہے۔

مشعال ملک نے کہا کہ مقبوضہ کشمیرمیں کیمرا،انٹرنیٹ کی اجازت نہیں، مقبوضہ کشمیرمیں عالمی مبصرین، فیکٹ فائنڈنگ مشن کو اجازت نہیں۔

انکا کہنا تھا کہ عالمی میڈیا پر مقبوضہ کشمیرمیں نسل کشی کی کوئی خبرہی نہیں، صہیونی فوجی فلسطینیوں کی لاشیں گھسیٹ رہے ہیں۔

انہوں نے مزید کہا کہ منفرد نمائش کا انعقاد کیا گیا، نمائش میں کشمیر، فلسطین کاز کے حوالے سے مثبت پیغام اجاگر کیا گیا۔