لاہور: وزیر اعلیٰ پنجاب مریم نواز شریف نے کہا ہے کہ حکومت پنجاب انسانی خدمت کے اصولوں پر عمل پیرا ہے۔

وزیر اعلیٰ مریم نواز نے انسانی یکجہتی کے بین الاقوامی دن پر پیغام دیتے ہوئے کہا کہ یکجہتی، ہمدردی اور مساوات کا قیام ہی ایک بہتر اور پرامن معاشرے کی بنیاد ہے، انسانی یکجہتی سے ہی غربت، ناانصافی اور معاشرتی ناہمواری کے خاتمہ ممکن ہے۔

انہوں نے کہا کہ حکومت پنجاب انسانی خدمت کے اصولوں پر عمل پیرا ہے، پنجاب حکومت کی تمام تر پالیسیز اور منصوبے انسانیت کی خدمت اور کمزور طبقات کی فلاح کے لیے وقف ہیں۔

مریم نواز نے مزید کہا کہ ہر طبقے کو ترقی میں شامل کر کے یکجہتی، بھائی چارے اور سماجی انصاف کے اصولوں کو فروغ دے رہے، ایسے معاشرہ تشکیل کے لئے دن رات کوشاں ہیں جہاں ہر شخص کو برابری کے مواقع میسر ہوں، رنگ، نسل، مذہب اور قوم سے بالاتر ہو کر انسانیت کی خدمت میں اپنا کردار ادا کریں۔