الیکشن کمیشن آف پاکستان نے اسلام آباد کے حلقوں کے لیے ٹریبیونل کی تبدیلی سے متعلق درخواستوں پر محفوظ فیصلہ سنا دیا۔

الیکشن کمیشن نے مسلم لیگ ن کے ارکان قومی اسمبلی کی ٹریبونل تبدیلی کی درخواستیں منظور کر لیں۔

لیگی ارکان اسمبلی نے جسٹس طارق محمود جہانگیری کے ٹریبیونل پر اعتراض عائد کیا تھا۔

لیگی ارکان نے الیکشن ٹربیونل پر تعصب کا الزام لگایا تھا۔

الیکشن کمیشن نے لیگی ارکان اسمبلی کی درخواستوں پر ٹریبیونل تبدیل کرنے کا فیصلہ دیا تھا۔

الیکشن کمیشن نے جسٹس طارق محمود جہانگیری کی جگہ جسٹس ر عبدالشکور پراچہ پر مشتمل ٹریبیونل تشکیل دیا تھا۔

اسلام آباد ہائیکورٹ نے ٹریبیونل تبدیلی کے خلاف پی ٹی آئی کی درخواستوں پر کیس الیکشن کمیشن کو ریمانڈ بیک کیا تھا۔

الیکشن کمیشن نے تینوں کیسز راولپنڈی ڈویژن کے ٹریبیونل کو منتقل کر دیے۔

راولپنڈی ڈویژن کا ٹریبیونل جسٹس ریٹائرڈ عبدالشکور پراچہ پر مشتمل ہے۔