وفاقی وزیر منصوبہ بندی و ترقی احسن اقبال نے کہا کہ جو خود کوصادق وامین کہتے تھے، وہ ملک کے سب سے بڑے ڈاکے میں ملوث پائے گئے ہیں۔

وفاقی وزیر منصوبہ بندی و ترقی احسن اقبال نے بول نیوز سے گفتگو کرتے ہوئے کہا کہ 64 ارب روپے برطانیہ نے پاکستان کو لوٹائے تھے، جنہیں قومی خزانے میں جمع ہونے چاہیے تھے۔

 احسن اقبال نے کہا کہ بانی پی ٹی آئی نے ملک ریاض کو فائدہ پہنچانےکے لیے 64 ارب روپے کی ادائیگی کرکے پاکستان کو روپے سے محروم کیا، ملک ریاض صاحب کو 64 ارب روپے کا فائدہ دیا۔

احسن اقبال نے یہ بھی کہا کہ اس کےعوض بانی پی ٹی آئی نے ملک ریاض سے پیسے لیے، القادر یونیورسٹی کھڑی کی اور یہ کہتے ہیں یہاں سیرت کی تعلیم دی جاتی تھی اس کو نشانہ بنایاگیا۔

احسن اقبال نے مزید یہ بھی کہا کہ کوئی شخص چوری کرے اورچوری کے پیسے سےمسجد بنادے اور کہے، میری چوری حلال ہوگئی ہے تو یہ ایک توہین آمیز رویہ ہے۔