صدر فیڈریشن آف پاکستان چیمبر آف کامرس اینڈ انڈسٹری عاطف اکرام شیخ نے کہا کہ پاکستان اور امریکہ کے درمیان خصوصی تعلقات آنے والے برسوں میں مزید بہتر ہوں گے۔

صدر فیڈریشن آف پاکستان چیمبر آف کامرس اینڈ انڈسٹری عاطف اکرام شیخ نے نومنتخب امریکی صدر ڈونلڈ ٹرمپ کو حلف اٹھانے پر مبارکباد دیتے ہوئے کہا کہ ڈونلڈ ٹرمپ کو 47 ویں امریکی صدر کا حلف اٹھانے پر مبارکباد پیش کرتے ہیں۔

عاطف اکرام نے کہا کہ پاکستان اور امریکہ دونوں ممالک کے درمیان تعلقات تعاون اور پائیدار شراکت داری پر مبنی رہے ہیں، پاکستان اور امریکہ نے امن کے لیے ہمیشہ مل کر کام کیا امید ہے یہ سلسلہ جاری رہے گا۔

عاطف اکرام نے مزید یہ بھی کہا کہ ایسا فریم ورک بنایا جائے جس سے دونوں ممالک کو فائدہ ہو ،ایکسپورٹس بڑھ سکیں اور بہتر مستقبل تشکیل دیا جا سکے۔