حالیہ برفباری کی وجہ سے گریس ویلی کا زمینی رابطہ منقطع ہو گیا تھا، جس کے باعث مقامی افراد کو شدید مشکلات کا سامنا تھا۔

خاص طور پر صحت کے مسائل کی بنا پر مقامی افراد کی زندگیوں کو خطرہ لاحق ہو گیا تھا، جنہیں فوری طبی امداد کی ضرورت تھی۔ اس صورتحال میں پاک فوج نے بھرپور کردار ادا کیا۔

پاک فوج نے فوری طور پر ہیلی کاپٹر سروسز فراہم کی تاکہ مریضوں اور مقامی افراد کو نکالا جا سکے۔ اس سروس کے تحت 7 ڈاکٹروں کی ٹیم کو مظفرآباد سے ہیلی کاپٹر کے ذریعے ہلمت منتقل کیا گیا۔

یہ ٹیم ہلمت اور تاؤبٹ کے علاقوں میں طبی امداد فراہم کرے گی، جس سے مقامی افراد کو فوری طور پر صحت کی سہولتیں میسر آئیں گی۔

اس کے علاوہ، پاک فوج اور سول انتظامیہ نے مشترکہ طور پر کیل سے تاؤبٹ تک سڑک کھولنے کے لیے بھی کام شروع کر دیا ہے۔

برفباری کے بعد بند ہونے والی 25 کلومیٹر سڑک کو ہلمت تک کھول دیا گیا ہے، جس سے علاقے کے دیگر حصوں کے ساتھ رابطہ بحال ہو گیا ہے۔

مقامی افراد نے پاک فوج کی کوششوں کو سراہا اور ان کے تعاون کا شکریہ ادا کیا۔ پاک فوج کی یہ پروفیشنل خدمات اور امدادی کارروائیاں علاقے کے لیے ایک بڑی سہولت بن کر سامنے آئی ہیں، جس سے نہ صرف صحت کے مسائل حل ہوئے بلکہ مقامی افراد کا اعتماد بھی بڑھا ہے۔

ایسی امدادی کارروائیاں پاک فوج کی اعلیٰ پیشہ ورانہ صلاحیتوں کا ثبوت ہیں اور انہوں نے اس مشکل وقت میں مقامی افراد کے لیے ایک نیا امید کا دروازہ کھولا ہے۔