اسلام آباد: وزیر اطلاعات عطاء اللہ تارڑ نے کہا کہ 190 ملین پاؤنڈ کی کرپشن کے ٹھوس شواہد ہیں، اس کیس میں اربوں روپے بٹورے گئے۔

وفاقی وزیر عطاء تارڑ نے میڈیا سے گفتگو کرتے ہوئے کہا کہ 190ملین پاؤنڈ کا کیس میگا کرپشن کا معاملہ ہے، اس کرپشن کے ٹھوس شواہد یں۔

انہوں نے کہا کہ شہزاد اکبر نے اس پیسے کو آفیشل ڈاکیومنٹ ظاہر کیا، پی ٹی آئی دور میں اثاثے ریکوری یونٹ کو شہزاد اکبر ہیڈ کررہے تھے۔

عطاء تارڑ نے کہا کہ بند لفافہ کابینہ میں لایا گیا اور وزیراعظم سے منظوری لی گئی، ملیر ڈیولپمنٹ اتھارٹی کا پیسہ بھی 190 ملین پاؤنڈ سے جانا تھا۔

وزیر اطلاعات نے مزید کہا کہ میاں بیوی نے ٹرسٹ بنایا، زمینیں اور انگوٹھیاں لیں، تمام چیزیں دستاویزات سے ثابت ہوچکی ہیں۔