وزارت خزانہ نے وفاقی بجٹ 2025-26 کا سرکلر جاری کر دیا۔

وزارت خزانہ کے مطابق نئے مالی سال 2025-26 کا بجٹ جون کے پہلے ہفتے پارلیمنٹ میں پیش کیا جائے گا، جبکہ اس سے پہلے وفاقی کابینہ سے بجٹ اہداف اور دستاویزات کی منظوری لی جائے گی۔

بجٹ اسٹریٹجی حکمت عملی پیپر 2025-26 کی اپریل کے تیسرے ہفتے منظوری لی جائے گی، سالانہ پلان کوآرڈینیشن کمیٹی کا اجلاس مئی کے پہلے ہفتے میں ہوگا۔

 وزارت خزانہ کے سرکلر کے مطابق قومی اقتصادی کونسل کا اجلاس مئی کے دوسرے ہفتے بلایا جائے گا، کابینہ کے لیے بجٹ کے تخمینے اور دستاویزات مئی تک تیار کر لی جائیں گی، فروری میں کرنٹ اور ترقیاتی بجٹ پر نظرثانی کا تخمینہ پیش کیا جائے گا۔

وزارت خزانہ نے بتایا کہ فروری میں بجٹ ریویو کمیٹی کا اجلاس بلایا جائے گا، جبکہ اگلے ماہ مڈ ایئر ریویو رپورٹ قومی اسمبلی میں پیش کی جائے گی۔