متحدہ قومی موومنٹ (ایم کیو ایم) پاکستان کے رہنما مصطفیٰ کمال نے کہا ہے کہ بشریٰ بی بی کی چوری کی وجہ سے آج بانی رنگے ہاتھوں پکڑے گئے۔

مصطفیٰ کمال نے بول نیوز سے گفتگو کرتے ہوئے کہا کہ 190 ملین پاؤنڈ اوپن اینڈ شٹ کیس تھا، آج وہی فیصلہ آیا جو آنا چاہیے تھا، مان لیں اگر بانی کرپٹ نہیں تو یہ ان کی بدنصیبی ہے۔

انہوں نے کہا کہ بشریٰ بی بی کی چوری کی وجہ سے آج بانی رنگے ہاتھوں پکڑے گئے، بانی نے پریس کانفرنس کی تھی اور صرف فرح گوگی کا دفاع کیا تھا۔

رہنما ایم کیو ایم نے مزید کہا کہ فرح گوگی نے بشریٰ بی بی کے ساتھ مل کر توشہ خانہ کے تحفائف بیچے، توشہ خانہ کے تحائف دبئی کے بزنس مین کو بیچے گئے۔