امریکہ میں پاکستان کے سفیر رضوان سعید شیخ نے آج اسلام آباد میں وزیر خزانہ محمد اورنگزیب سے ملاقات کی اور پاک امریکہ دوطرفہ تعلقات بالخصوص تجارت، سرمایہ کاری اور معیشت کے شعبوں میں مضبوط بنانے پر تبادلہ خیال کیا۔

ملاقات کے دوران پاکستان امریکہ شراکت داری کی اہمیت اور امریکہ کو پاکستان کے سب سے بڑے تجارتی پارٹنر اور برآمدات کی منزل کے طور پر تسلیم کرنے کا اعادہ کیا گیا۔

اس موقع پر وزیر خزانہ اور پاکستانی سفیر نے اقتصادی سفارت کاری کو مزید بڑھانے اور دونوں ممالک کے درمیان مشترکہ کاروباری منصوبوں اور اقتصادی تعاون کے نئے مواقع تلاش کرنے کا بھی فیصلہ کیا۔