وفاقی وزیرمنصوبہ بندی احسن اقبال نے کہا کہ گوادرکی ترقی کے لیے ایک جامع اورقابل عمل روڈ میپ تیارکیا جائے۔

وفاقی وزیرمنصوبہ بندی احسن اقبال کی زیرصدارت گوادرپورٹ کی فعالیت کے حوالے سے اجلاس ہوا، جس میں مختلف سفارتخانوں کے نمائندے ویڈیولنک کےذریعے شریک ہوئے۔

احسن اقبال نے اجلاس میں ہدایت دیتے ہوئے کہا کہ حکمت عملی کوآئندہ 6 ماہ میں نافذ کیاجائے، جبکہ حکومت ہرممکن تعاون اورضروری ڈیٹا فراہم کرے گی۔

احسن اقبال نے کہا کہ زیادہ شپمنٹس کوگوادرپورٹ منتقل کرناوقت کی اہم ضرورت ہے، بندرگاہ زیادہ ترحکومتی اقدامات کےتحت ہی فعال رہی ہے۔

احسن اقبال نے کہا کہ پانی کی فراہمی کے لیے ڈی سیلینیشن پلانٹ موجود ہے، جبکہ بیشترعلاقوں میں بجلی کی سہولت فراہم کی جاچکی ہے۔