وادی تیراہ میں خوارج کے جنسی تشدد کے باعث ساتھی دہشت گرد نے خودکشی کرلی۔

ذرائع کے مطابق فتنہ الخوراج کے دہشت گرد سنگین انسانی جرائم میں ملوث ہیں، خوارج کی جنسی درندگی اور انسانیت سوز سلوک سے ساتھی دہشت گرد بھی محفوظ نہیں۔

ذرائع کا کہنا ہے کہ وادی تیراہ میں دہشت گرد عبدالکبیر نے خوارج کی جنسی درندگی کے باعث خود کشی کرلی، دہشتگرد عبدالکبیر کا تعلق فتنہ الخوارج سے ہے جبکہ اس کے والد اور چچا کو بھی خارجیوں نے اغوا کر لیا، اغوا کا مقصد خوارج کی جنسی درندگی اور ناپاک عزائم کو چھپانا ہے۔

ذرائع کے مطابق خوارج نوجوانوں کو اپنی تنظیم میں شمولیت کے بعد جنسی درندگی کا نشانہ بناتے ہیں، خوارج جنسی درندگی کے بعد ساتھی دہشت گردوں کو بلیک میل کرنے کیلئے ویڈیوز بھی بناتے ہیں۔

ذرائع نے مزید کہا کہ افغان سرزمین پرخوارج کی سرپرستی میں دہشتگردی اور انسانی حقوق کی پامالی ہو رہی ہے، خارجیوں کی دہشتگردی اور سنگین جرائم سے واضح ہے کہ ان کا انسانیت اور مذہب سے کوئی تعلق نہیں۔