کابینہ کی اقتصادی رابطہ کمیٹی کا اجلاس 17 جنوری کو طلب کر لیا ہے۔  

وزیر خزانہ محمد اورنگزیب اقتصادی رابطہ کمیٹی کے اجلاس کی صدارت کریں گے، جبکہ کمیٹی اجلاس میں آٹھ نکاتی ایجنڈے پر غور کرے گی۔

ذرائع کے مطابق اجلاس میں افغان ٹرانزٹ ٹریڈ کے لیے بینک گارنٹی کی واپسی پر غور ہوگا، اس کے علاوہ اسٹیل مصنوعات پر ریگولیٹری ڈیوٹی میں توسیع کی منظوری کا امکان ہے۔

ذرائع نے بتایا کہ وزارت خارجہ کی تکنیکی ضمنی گرانٹ کی منظوری پر غور ہوگا، جبکہ پاکستان اسٹیل ملز کے ملازمین کی سال 2024-25 کی تنخواہوں کے لیے فنڈز کی منظوری کا امکان ہے۔

ذرائع کے مطابق فرنٹیئر کارپس کے لیے سال 2024-25 کے فنڈز کی منظوری، اور وزارت قومی تحفظ خوراک کی 91 کروڑ روپے کی گرانٹ کی منظوری کا امکان ہے۔

ذرائع نے بتایا کہ وزارت قومی تحفظ خوراک کی 91 کروڑ روپے کی گرانٹ کی منظوری، جبکہ وزارت سمندر پار پاکستانیز کیلئے سال 2023-24 کے بجٹ تخمینے کی منظوری، اس کے علاوہ سالانہ ری بیسنگ ٹائم لائن پر نظر ثانی کا امکان ہے۔