پاکستان نے ٹی ٹی پی اور مجید بریگیڈ کی دہشتگردی کے خلاف عالمی اقدام کا مطالبہ کردیا۔

اقوام متحدہ میں پاکستانی مستقل مندوب منیر اکرم نے سلامتی کونسل میں خطاب کرتے ہوئے کہا کہ سلامتی کونسل ٹی ٹی پی، مجیدبریگیڈ اور داعش کے خطرےکا نوٹس لے۔

پاکستان نے ملک کے اندر داعش کی بھرتی کا الزام سختی سے مسترد کردیا اور کہا کہ افغانستان میں 2 درجن سے زائد دہشتگرد گروہ سرگرم ہیں، افغانستان داعش کی بھرتی اورسہولت کاری کامرکز ہے، داعش کے خطرے کی ہرطرف بات کی جارہی ہے۔

منیر اکرم کا کہنا تھا کہ ٹی ٹی پی اور مجیدبریگیڈ سے پاکستان کو لاحق خطرات کا کوئی ذکر نہیں ہورہا، پاکستان نے دہشتگردی کیخلاف جنگ کی بھاری قیمت چکائی ہے، ہم نے 80 ہزار جانیں گنوائیں، معیشت کو شدید نقصان پہنچا۔

پاکستان نے انسداد دہشتگردی نظام اور پابندیوں کے طریقہ کار میں ضروری اصلاحات پر زوردیتے ہوئے کہا کہ انسداد دہشتگردی حکمت عملی پر بہترعمل کیلئے جنرل اسمبلی ذیلی ادارہ بنائے۔