اسلام آباد: پاکستان میں رجسٹرڈ سیاسی جماعتوں کی تعداد بڑھ کر 165 ہوگئی۔

الیکشن کمیشن آف پاکستان نے سیاسی جماعتوں کی تازہ ترین فہرست جاری کردی ہے جس میں پاکستان تحریک انصاف (پی ٹی آئی) سمیت دیگر سیاسی جماعتوں کو شامل کیا گیا ہے جب کہ عوام پاکستان کی جماعت بھی شامل ہے۔

الیکشن کمیشن کی فہرست میں تین سیاسی جماعتیں ایسی ہیں جن کے سربراہ اور تنظیم موجود نہیں ہیں، جن میں پی ٹی آئی، پاک سرزمین پارٹی اور پاکستان عوامی راج شامل ہیں۔

پاکستان پیپلز پارٹی (پی پی پی) کے حوالے سے یہ بات سامنے آئی ہے کہ صدر مملکت آصف زرداری بدستور پارٹی کے عہدہ پر براجمان ہیں اور وہ پاکستان پیپلز پارٹی پارلیمنٹرینز کے صدر کے طور پر فہرست میں شامل ہیں۔

الیکشن کمیشن کی فہرست میں 165 سیاسی جماعتوں میں سے صرف 15 جماعتیں ایسی ہیں جو پارلیمنٹ تک پہنچ سکی ہیں۔