استنبول: صدر مملکت آصف علی زرداری نے پرتگال جاتے ہوئے استنبول ایئرپورٹ پر طیب اردگان سے ملاقات کی۔

صدر آصف زرداری کی ترک صدر رجب طیب اردگان ملاقات ہوئی، صدر کا دورہ پرتگال کے دوران ترکی میں مختصر قیام تھا۔

ترکیہ کے وزیر خارجہ حاکان فدان نے صدر مملکت کا استقبال کیا اور استنبول ایئرپورٹ پر صدر آصف زرداری سے ترک صدر رجب طیب اردگان نے ملاقات کی۔

ترک صدر سے ملاقات کے دوران دونوں صدور کا خوشگوار جملوں کا تبادلہ ہوا جبکہ دوطرفہ تعلقات اور باہمی دلچسپی کے امور پر بھی تبادلہ خیال کیا گیا۔

صدر مملکت آصف علی زرداری اسماعیلی کمیونٹی کے روحانی پیشوا پرنس کریم آغا خان کے انتقال پر تعزیت کیلئے پرتگال کے دورے پر ہیں۔

واضح رہے کہ چند روز قبل اسماعیلی کمیونٹی کے روحانی پیشوا پرنس کریم آغا خان 88 برس کی عمر میں انتقال کر گئے تھے۔