اسلام آباد: سینیٹ میں پاکستان مسلم لیگ (ن) کے پارلیمانی پارٹی لیڈر سینیٹر عرفان صدیقی نے اعلیٰ عدلیہ سے بڑا سوال کردیا۔

سینیٹر عرفان صدیقی نے سماجی رابطے کی سائٹ ‘ایکس’ پر جاری بیان میں کہا ’’‏کیا اعلیٰ عدلیہ کے تمام جج صاحبان نے آئین پاکستان کی پاسداری اور تحفظ کا حلف اٹھا رکھا ہے؟‘‘۔

انہوں نے لکھا ’’اگر ہاں تو کیا آرٹیکل 200 آئین پاکستان کا حصہ نہیں جو کہتا ہے کہ ’صدر مملکت ہائیکورٹ کے کسی بھی جج کا تبادلہ ایک ہائی کورٹ سے دوسری ہائی کورٹ میں کرسکتا ہے‘‘۔

ان کا مزید کہنا تھا ’’اس کے لئے متعلقہ جج کی مرضی نیز چیف جسٹس پاکستان اور دونوں متعلقہ ہائی کورٹس کے چیف جسٹس صاحبان سے مشاورت ضروری ہے‘‘۔

سینیٹر عرفان صدیقی نے اعلیٰ عدلیہ نے سوال کرتے ہوئے مزید لکھا ’’اس واضح آئینی شق کو ترجیح دیں یا کسی خط کو؟‘‘۔