آئی ایم ایف نے سرکاری افسران کے ایسٹ ڈیکلیریشن کیلئے مزید مہلت کی درخواست مسترد کردی ہے۔

حکومتی ذرائع کے مطابق سرکاری افسران کے اثاثوں کو ڈیکلیئر کرنے کے لیے مسودے پر مشاورت شروع کر دی گئی ہے، جبکہ سول سرونٹ ایکٹ ترمیمی ڈرافٹ فروری میں ہی آئی ایم ایف کو فراہم کیا جائے گا۔

 ذرائع نے بتایا کہ اثاثوں کی ڈیکلیئریشن سے متعلق قانون سازی اب فروری کے بعد ہو سکے گی۔

ذرائع کے مطابق آئی ایم ایف کے تکنیکی وفد نے کابینہ ڈویژن، پی ایم آفس، وزارت خزانہ، وزارت قانون میں ملاقاتیں کی، جس میں آئی ایم ایف نے وزارت خزانہ سے شرائط کے مطابق بینچ مارک مکمل کرنے کا مطالبہ کیا۔

ذرائع نے بتایا کہ ایکٹ میں ترامیم کے تحت بچوں کے تعلیمی ادارے تک بنانا بھی لازمی شرط میں شامل ہیں، جبکہ گھر کی آمدن کے ذرائع، میاں بیوی دونوں کے اثاثے بھی ایسٹ ڈیکلیئر کا حصہ ہے۔

حکومتی ذرائع نے بتایا کہ متلعقہ حکام نے وفد سے معلومات کی پبلک رسائی میں نرمی کی درخواست بھی کی ہے۔

 وزارت خزانہ کے ذرائع کے مطابق ترمیم کے تحت پاور آف اٹارنی تک کی معلومات بھی فراہم کرنا ہوں گی۔