شہر قائد میں رواں سال کے ابتدائی 36 دنوں کے دوران شہر کے مختلف علاقوں میں ٹریفک حادثات میں 82 افراد جاں بحق ہو گئے۔

حادثات میں ہلاک ہونے والوں میں 10 بچے اور 8 خواتین بھی شامل ہیں۔ ریسکیو حکام کے مطابق، جنوری کے مہینے میں 64 افراد اپنی جان سے ہاتھ دھو بیٹھے، جبکہ 590 افراد زخمی ہوئے۔

فروری کے ابتدائی پانچ دنوں میں 18 افراد جانبحق ہوئے، جن میں کئی کمسن بچے اور خواتین شامل ہیں۔ ریسکیو حکام نے بتایا کہ ملیر اور گلستان جوہر کے علاقے میں ٹریفک حادثات میں پانچ افراد جاں بحق ہوئے، جن میں دو خواتین اور ایک کمسن بچہ بھی شامل ہیں۔