فیڈرل بورڈ آف ریونیو ( ایف بی آر)نے 1010گاڑیوں کی خریداری کا معاملہ روک کردیا، قائمہ کمیٹی کے فیصلے کی روشنی میں گاڑیوں کی خریداری کے بارے میں حتمی فیصلہ ہوگا۔

چیئرمین ایف بی آر نے گاڑیوں کی خریداری فریز ہونے کی تصدیق کر دی۔

ایف بی آر کے چیئرمین نے کہا کہ سینیٹ قائمہ کمیٹی خزانہ کے منٹس آئیں گے تو فیصلہ ہوگا، خزانہ کمیٹی کے حتمی منٹس تک گاڑیوں کا معاملہ فریز ہے، آئی ایم ایف کے تکنیکی وفد کے موجودہ دورے کا اقتصادی جائزے سے کوئی تعلق نہیں۔

ایف بی آر کے چیئرمین کا یہ بھی کہنا تھا کہ آئی ایم ایف کے ٹیکنیکل اسسٹمنٹ وفد کے دورے روٹین ہیں، تکنیکی امور پر بات چیت مسلسل ہوتی ہے وفود بھی آتے ہیں۔

ایف بی آر کے چیئرمین نے بتایا کہ تعمیراتی شعبے سے متعلق تجاویز اور سفارشات تیار ہیں، تعمیراتی شعبے کے لیے ریلیف پیکج اب یقینی ہو چکا ہے۔

ایف بی آر کے چیئرمین نے مزید یہ بھی کہا کہ وزیر اعظم کی جانب سے بنائی گئی ٹاسک فورس نے تجاویز تیار کی ہیں، ٹاسک فورس کی تجاویز اور سفارشات کی کابینہ منظوری دے گی۔