اسلام آباد: نائب وزیراعظم و وزیر خارجہ اسحاق ڈار اور ملائشین وزیر خارجہ کا ٹیلیفونک رابطہ ہوا ہے۔

ترجمان دفتر خارجہ شفقت علی خان کے مطابق اسحاق ڈار سے ملائشیا کے وزیر خارجہ داتو سری اتامہ حاجی محمد بن حاجی حسن نے ٹیلی فون رابطہ کیا جس میں دونوں وزراء نے مشرق وسطی کی صورتحال بالخصوص غزہ میں انسانی بحران پر تبادلہ خیال کیا۔

ترجمان نے بتایا کہ نائب وزیراعظم اسحاق ڈار نے فلسطینی عوام کے جائز حق کی غیر متزلزل حمایت کا اعادہ کیا جبکہ او آئی سی کے غیر معمولی اجلاس کی حمایت بھی کی گئی۔

ترجمان دفتر خارجہ کا کہنا ہے کہ او آئی سی کے وزرائے خارجہ کا غیر معمولی اجلاس غزہ کی صورتحال پر غور کرے گا۔