کراچی کے علاقے نارتھ کراچی میں سات سالہ صارم کے قتل کیس میں پولیس نے 18 مشتبہ افراد کی ڈی این اے رپورٹس حاصل کیں۔

تاہم تفتیشی حکام کے مطابق ان رپورٹس میں کسی بھی مشتبہ شخص کا بچہ سے تعلق ثابت نہیں ہو سکا۔

پولیس کو اب کیمیکل ایگزیمنیشن رپورٹ کا انتظار ہے، جو اس کیس میں آخری امید قرار دی جا رہی ہے۔

تفتیشی حکام کا کہنا ہے کہ ڈی این اے رپورٹس میں بچے سے ملنے والے نمونوں سے کوئی مماثلت نہیں پائی گئی ہے۔

سات سالہ صارم 7 جنوری کو نارتھ کراچی کے بلال کالونی سے لاپتا ہوا تھا، اور اس کی لاش بعد ازاں ایک اپارٹمنٹ کے پانی کے ٹینک سے ملی تھی۔

پولیس کیس کی تحقیقات کو مزید آگے بڑھانے کے لیے کیمیکل ایگزیمنیشن رپورٹ کا انتظار کر رہی ہے۔