اسلام آباد: اراکین سینیٹ کی تنخواہ 5 لاکھ 19 ہزار روپے کرنے کی منظوری دے دی گئی۔

ذرائع کے مطابق قائم قام چیئرمین سینیٹ سیدال خان ناصر کی زیر صدارت فنانس کمیٹی کا اجلاس ہوا جس میں سینیٹر سلیم مانڈوی والا، شہادت اعوان، لیاقت خان اور دیگر سینیٹرز نے شرکت کی۔

ذرائع نے بتایا کہ اپوزیشن لیڈر شبلی فراز اور مولانا عطاالرحمان اجلاس میں شریک نہیں ہوئے جب کہ سینیٹ کی فنانس کمیٹی نے ارکان سینیٹ کی تنخواہوں میں اضافہ کی منظوری دی۔

ذرائع کا کہنا تھا کہ منظور کردہ ایکٹ کے تحت ارکان سینیٹ کی تنخواہ بھی ارکان قومی اسمبلی کے مساوی ہوگی جو کہ اب پانچ لاکھ انیس ہزار روپے ہوگی۔

سینیٹرز کی تنخواہوں میں اضافے کا اطلاق یکم جنوری 2025 سے ہوگا جب کہ چیئرمین سینیٹ اور ڈپٹی چیئرمین کی تنخواہوں میں اضافہ نہیں ہوگا۔