امیر جماعت اسلامی حافظ نعیم الرحمان نے ’’8 فروری‘‘ کو یوم سیاہ منانے کا اعلان کردیا۔

امیر جماعت اسلامی حافظ نعیم الرحمان کا کہنا ہے کہ 8 فروری ملک کی تاریخ کا سیاہ ترین دن ہے،  8 فروری یوم سیاہ کے طور پر منائیں گے۔

حافظ نعیم الرحمان نے کہا کہ کراچی میں الیکشن کمیشن کے سامنے مظاہرہ کریں گے، 8 فروری کے بعد بجلی کی قیمتوں میں کمی کے لئے احتجاج ہوگا۔

امیر جماعت اسلامی کہتے ہیں کہ پنجاب میں کسان کارڈ دراصل قرضہ کارڈ ہے، جوڈیشل کمیشن بن جائے تو 80 فیصد ارکان پارلیمنٹ فارغ ہوجائیں گے۔

حافظ نعیم کا کہنا تھا کہ حیرانی ہے کہ پی ٹی آئی فارم 45 کے مؤقف سے دستبردار ہوگئی، ری الیکشن کا مطالبہ حکومت کو تسلیم کرنے کے مترادف ہے۔

امیر جماعت اسلامی نے مزید کہا کہ جماعت اسلامی عوامی مینڈیٹ کو تسلیم کرنے کی بات کرتی ہے اور ہم حق کی آواز بلند کرتے رہیں گے۔