گورنر سندھ کامران ٹیسوری نے کہا کہ اگر ٹیم کو بہتر بنانے کی ضرورت پڑے تو اسے ایک برس تک معطل کردینا چاہیے۔

گورنر سندھ کامران خان ٹیسوری نے وسطی لندن میں پریس کانفرنس کرتے ہوئے کہا کہ کرکٹ ٹیم کی شکست پر اپنے ایک کروڑ روپیہ بچنے کا دکھ ہے، اچھی کرکٹ ٹیم تنقید سے نہیں بلکہ اچھے فیصلوں سے بنے گی۔

کامران خان ٹیسوری نے کہا کہ آج تک کرپشن کا کوئی الزام مجھ پر نہیں لگا، برطانیہ کا دورہ اپنی مرضی سے کر رہا ہوں، گورنر ہاؤس میں ہونے والے تمام پروگراموں میں حکومت کا کوئی پیسہ نہیں لگتا۔

گورنر سندھ کا یہ بھی کہنا تھا کہ ہمیں ایک دوسرے کا مسیحا بننے کی ضرورت ہے، صرف تنقید نہیں تصیح کرنے کی بھی ضرورت ہے، جب تک گورنر ہوں کام کرتا رہوں گا۔

مصطفی قتل کیس کے حوالے سے بول نیوز کے سوال کا جواب دیتے ہوئے گورنرسندھ نے کہا کہ مصطفی کے قتل کی جتنی مذمت کی جائے کم ہے، منشیات فروش گروہوں کی سرکوبی ضروری ہے، یہ دیکھنا ہوگا کے کس کی سرپرستی میں یہ منشیات کا نیٹ ورک چلایا جارہاتھا۔

کامران خان ٹیسوری نے مزید یہ بھی کہا کہ میں واپسی پر حکومت پاکستان،حکومت سندھ اوراینٹی نارکوٹکس سےبات کروں گا، بچوں کونشہ کی لت میں لگاکران کا مستقبل خراب اور تاریک کیا جارہاہے۔