لاہور: وزیر اطلاعات پنجاب عظمیٰ بخاری نے کہا ہے کہ پنجاب حکومت صحافیوں کے تمام مسائل ترجیحی بنیادوں پر حل کررہی ہیں۔

صوبائی وزیر عظمیٰ بخاری کی جانب سے پنجاب یونین آف جرنلسٹ کے نومنتخب عہدیداروں کو مبارکباد دی گئی ہے۔

عظمیٰ بخاری نے پی یو جے کے نومنتخب صدر نعیم حنیف اور سیکریٹری قمر بھٹی کو مبارکباد دیتے ہوئے پنجاب یونین آف جرنلسٹ کی نومنتخب ایگزیکٹو کونسل کے لیے نیک خواہشات کا اظہار کیا۔

انہوں نے کہا کہ میرے دروازے صحافی برادری کے لیے ہر وقت کھلے ہیں، وزیراعلیٰ پنجاب مریم نواز صحافیوں کی دل سے عزت کرتی ہیں۔

وزیر اطلاعات کا کہنا تھا کہ مریم نواز کی حکومت میں پہلی مرتبہ پنجاب کے پریس کلبوں کے لیے تاریخی گرانٹ جاری ہوئی، میڈیا ریاست کا اہم ترین ستون ہے۔

عظمیٰ بخاری نے مزید کہا کہ پنجاب حکومت صحافیوں کے تمام مسائل ترجیحی بنیادوں پر حل کررہی ہیں، مریم نواز کی حکومت میں لاہور کے صحافیوں کے بھی ایک دہائی پرانے مسائل حل ہوئے ہیں۔