کراچی: وفاقی وزیر دفاع خواجہ آصف نے کہا ہے کہ طاقتور بحریہ سمندری تجارت کے تحفظ کی ضامن ہے۔

خواجہ آصف نے “محفوظ سمندر، خوشحال مستقبل ” کے عنوان سے پہلے امن ڈائیلاگ کی افتتاحی تقریب سے خطاب کرتے ہوئے کہا کہ دنیا بڑی معاشی تبدیلیوں سے گزر رہی ہے، تجارتی ٹیرف ایک بڑا چیلنج بن کر سامنے آرہا ہے۔

انہوں نے کہا کہ ہمارا اجتماعی فرض ہے کہ سمندی تجارت کے تحفظ کیلئے مشترکہ کوششیں کریں، عالمی معاشی نظام میری ٹائم پر انحصار کرتا ہے۔

وزیر دفاع نے کہا کہ بحر ہند عالمی تیل اور گیس کے 50 فیصد ذخائر رکھتا ہے، دہشت گردی، سمندری لیٹروں سے نمٹنا سب کی اجتماعی ذمہ داری ہے۔

انکا کہنا تھا کہ بحری تجارت کام عیشت میں بنیادی کردار ہے، طاقتور بحریہ سمندری تجارت کے تحفظ کی ضامن ہے۔

خواجہ آصف نے کہا کہ پاک بحریہ علاقائی امن و سلامتی کیلئے اہم کردار ادا کررہی ہے، بحری شعبے میں درپیش غیر روایتی چیلنجز سے نمٹنے کیلئے اقدامات ناگزیر ہیں۔

انہوں نے مزید کہا کہ ٹیکنالوجی کے اضافے نے مواقعوں کے ساتھ چیلنجز بھی پیدا کیے، مصنوعی ذہانت اور ٹیکنالوجی کے انقلاب نے عالمی منظرنامہ بدل دیا۔