مسلم لیگ ن کے رہنما راناثنااللہ نے کہا کہ ہم سب پاکستانی اور برابر کے شہری ہیں۔

مسلم لیگ ن کے رہنما راناثنااللہ نے فیصل آباد میں مینارٹی کارڈ کے اجراء کی تقریب سےخطاب کرتے ہوئے کہا کہ پاکستان کاقانون، آئین شہریوں میں کوئی فرق روانہیں رکھتا، ملک کاآئین وقانون یکساں حقوق دیتا ہے۔

راناثنااللہ نے کہا کہ انتہاپسندعناصرمنفی پروپیگنڈا کرتے ہیں، پروپیگنڈا کرنے کےلیے یہ لوگ زیادہ باتیں کرتے ہیں، ہم نےمعاشرے میں امن، رواداری، ہم آہنگی کو فروغ دیناہے۔

انہوں نے یہ بھی کہا کہ مینارٹی کارڈ کا اجرا پنجاب حکومت کااہم اقدام ہے، مینارٹی کارڈ سےاقلیتی برادری کوسہولت میسرآئےگی، حکومتی اقدامات سےمہنگائی کی شرح میں نمایاں کمی ہوئی۔

راناثنااللہ کا یہ بھی کہنا تھا کہ پنجاب حکومت عوام کی فلاح وبہبودکےلیےاقدامات کررہی ہے، مسلم لیگ ن کی حکومت نےہمیشہ عوام کی بلاتفریق خدمت کی۔

انہوں نے مزید یہ بھی کہا کہ  میڈیا ریاست کا چوتھا اہم ستون ہے، میڈیا کا آگاہی کی فراہمی، شعور بیدار کرنےمیں اہم کردارہے۔