سوئی سدرن گیس کمپنی نے چاند رات سے عید کے تیسرے روز تک گیس کی مسلسل فراہمی کا اعلان کردیا ہے۔

سوئی سدرن گیس کمپنی نے اپنے معزز صارفین کو عیدالفطر کی پیشگی مبارکباد دیتے ہوئے کہا کہ عیدالفطر کے پر مسرت تہوار کے موقع پر اپنے صارفین کی سہولت کو مدِ نظر رکھتے ہوئے گیس کی بلاتعطل فراہمی کو یقینی بنانے کے لیے پرعزم ہے۔

 چاند رات سے عید کے تیسرے دن آدھی رات تک گیس کی بلا تعطل فراہمی کو مستحکم رکھا جائے گا۔

سوئی سدرن کمپنی کے مطابق کسی صارف کو گیس کی فراہمی میں کسی قسم کی شکایت درپیش ہو تو وہ براہ کرم ہماری چوبیس گھنٹے آپریشنل ہیلپ لائن 1199 پر رابطہ کرے، سوئی گیس کا  عملہ آپکی خدمت کے لیے کوشاں رہے گا۔