پاکستان اسٹاک ایکسچینج کی ہفتہ وار رپورٹ جاری کر دی گئی ہے جس کے مطابق کاروباری ہفتے کے دوران تیزی کا رجحان رہا۔

جاری کردہ رپورٹ کے مطابق ہفتہ بھر میں 100 انڈیکس میں میں1147 پوائنٹس کااضافہ ہوا، کاروباری ہفتےمیں انڈیکس 113,251  پوائنٹس سے بڑھ کر 114,398  پوائنٹس پر بند ہوا۔

رپورٹ میں بتایا گیا کہ ہفتے وار کاروبار کے دوران انڈیکس1لاکھ14ہزار 721  بلند ترین سطح پر ٹریڈ ہوا۔

رپورٹ کے مطابق 100انڈیکس کی ہفتہ وار کم ترین سطح 1لاکھ11ہزار717پوائنٹس رہی، جبکہ  5روزہ کاروبار کے دوران مارکیٹ کیپٹلائیزیش میں 144ارب روپے کا اضافہ ہوا۔

رپورٹ کے مطابق مارکیٹ کیپٹلائیزیشن ایک ہفتے میں بڑھ کر 14125 ارب روپے ہوگئی، ہفتہ کے دوران 41.94 فیصد حصص کی قیمتیں بڑھ گئیں، بازار حصص میں 911 کمپنیوں کے حصص کی قیمت بڑھ گئی، جبکہ 927 میں کمی ہوئی۔