اسلام آباد: ہائی پاورڈ سلیکشن بورڈ کے اجلاس میں گریڈ 21 کے 36 افسران کو گریڈ 22 میں ترقی دے دی گئی۔

نائب وزیراعظم اسحاق ڈار کی زیر صدارت ہائی پاورڈ سلیکشن بورڈ کا اجلاس ہوا جس میں گریڈ 21 کے 36 افسران کو گریڈ 22 میں ترقی دینے کی منظوری دے دی گئی۔

پاکستان ایڈمنسٹریٹو سروسز کے 19 افسران کی گریڈ 21 سے گریڈ 22 میں ترقی کی منظوری دی گئی جب کہ پولیس سروس کے 8 افسران اور فارن سروس کے 9 افسران کی گریڈ 21 سے گریڈ 22 میں ترقی کی منظوری دی گئی ہے۔

آئی جی سندھ غلام نبی میمن، چیئرمین ایف بی آر راشد محمود لنگڑیال، سیکرٹری پیٹرولیم مومن آغا، سیکرٹری ٹو وزیر اعظم اسد رحمن گیلانی، چیف سیکرٹری پنجاب زاہد اختر زمان اور سیکرٹری تعلیم و تربیت محی الدین وانی کو گریڈ 22 میں ترقی کی منظوری دی گئی ہے۔

علاوہ ازیں وسیم اجمل چوہدری، عثمان باجوہ، محمد عمیر کریم، عنبرین رضا، علی طاہر، سید عطاء الرحمن، مصدق احمد خان، ندیم محبوب، داؤد محمد، سعدیہ ثروت جاوید، علی سرفراز حسین، احمد رضا سرور اور نبیل احمد اعوان کو گریڈ 22 میں ترقی دی گئی۔

پولیس سروس کے بی اے ناصر، محمد فاروق مظہر، عمران یعقوب، عبدالخالق شیخ، محمد زبیر ہاشمی، محمد شہزاد سلطان اور محمد طاہر کو ترقی دی گئی۔

فارن سروس کے احمد نسیم وڑائچ، رحیم حیات قریشی، عاصم افتخار احمد، سید احسن رضا شاہ، رضوان سعید شیخ، فیصل نیاز ترمذی، ثقلین سیدہ، شفقت علی خان اور نبیل منیر کو بھی گریڈ 22 میں ترقی دی گئی۔