لاہور: وزیراعلیٰ پنجاب مریم نواز شریف نے سرکاری اسپتالوں کے واجبات کی فوری ادائیگی کا حکم دے دیا۔

وزیراعلیٰ مریم نواز نے ہر سرکاری اسپتال میں دستیاب میڈیسن لسٹ آویزاں کرنے کا بھی حکم دیا اور دستیاب میڈیسن لسٹ کے لیے الیکٹرانک بورڈ نصب کرنے اور فری میڈیسن کی فراہمی یقینی بنانے کیلئے اقدامات کی بھی ہدایت دی۔

اس کے علاوہ سرکاری اسپتالوں میں مریم نواز شکایات کاؤنٹر فعال کرنے کا بھی حکم دیا گیا اور ویٹنگ روم میں تیمارداروں کے لیے کرسیاں، بینچ فراہم کرنے کی بھی ہدایت دی گئی۔

 مریم نواز کی ہدایت پر مریضوں کو کال کر کے فیڈبیک بھی لیا جائے گا اور اسپتالوں کی صورتحال جاننے کیلئے ایک سے زائد ادارے چیک لسٹ تیار کریں گے۔

وزیراعلیٰ نے روزانہ اسپتالوں کا وزٹ کرنے کا حکم دیتے ہوئے چیک لسٹ رپورٹ کی اصولی منظوری دی اور اسپتالوں میں آپریشن اور ٹیسٹ کے لیے ویٹنگ لسٹ کی مانیٹرنگ کی بھی ہدایت دے دی۔

مریم نواز نے اسپتالوں میں انفیکشن کا سبب بننے والے بوسیدہ پردے ہٹاکر بلائینڈر لگانے کا بھی فیصلہ کیا اور اسپتالوں کی لیب کوالٹی آڈٹ پر اتفاق کر کے ہیلتھ کیئرکمیشن کو ٹاسک دیا جائے گا۔